Aqidah
                     Cipt .Wilman Indra Juanda SE.
Kamana urang nyarandekeun hiji kayakinan
Geusan mutang manteng ka pangeran
Mun teu boga cecepengan,,
Ajeg jeung kuatna kayakinan pikeun pasrah sumerah
Ngan bisa ngawujud mun urang boga  Aqidah
 Naon atuh ari Aqidah
  Ari aqidah teh nyaaeta kalimah Thoyibah
 ''   Laaillahailalloh ''
Hiji kalimah anu geus di pasek ku lam mim dua kalimah sahadat anu nyaluksuk kasatiap sum sum balung geusan mukakeun lawang lawang kapetengan nu aya na diri urang sewang sewangan
Tetep panjeg istiqomah sok sanajan di tengkas di temprang ku rupa rupa pasoalan
Aqidah hambo oyag kalinduan gedag kaanginan
Teu butuh ku pangkat ,harta ,banda jeung sagalana
Mun ukur rek mawa kana cilaka
Teu butuh kawasa rongkah
Mun rek mawa rasa gumagah
Leuwih hade jadi jalma anu hina
Nu salawasna muntang manteng ka mantena
Tinimbang loba kaboga bari mawa ujub ria
Sok sanajan,kadang hawa napsu remen datang geusan ngabunasika alam pamikiran
Tapi roh anu suci gewat nepungan mera cahaya sangkan caang padang narawangan
Aqidah mere sawangan nembus wates ieu alam pawenangan
Aqidah mere harepan kahiji alam kalanggengan
Aqidah teu katipu ku emas intan jeung rupa rupa pangreka jeung pangbibita ieu alam pawayangan
Saestuna Aqidah percya sarta yakin sagemblengna kana kakawasaanna pangeran
Nungawengku ku dzat jeung irodatna nu maha sagalana "Alloh'' nu maha luhung tur maha agung
Laailllahaillaloh ''Alohuakbar.

     Bandung 8 maret 2017
Penulis Wilman Indra JuandaSE.