Anaking jimat awaking
Cipt. Wilman Indra Juanda SE
Anaking jimat awaking
Mustika pangupah jiwa pangupah rasa nalangsa
Jung aranjeun sing geura nangtung
Mulus banglus panjang punjung
Nembongkeun daya ,nembongkeun jaya lain harti ujub ria
Bral aranjeun geura tandang bela pati bela juang
Eleh ,meunang tong salempang
Makayakeun jiwa jeung raga kitu memang sakuduna
Saur Rosululloh estu usaha mah tetep puhit jiga anu hirup langgeng
Tapina kudu sabanding jeung ibadah ulah petot jiga anu paeh isuk
Ti bapa ieu pepeling sangkan hidep tetep eling
Henteu beurang henteu peuting satungtung aranjeun nyaring
Geura garap hanca bapa ,hanca bapa nu katunda
Wawanen nya kudu boga tandaning urang percaya
Percaya kanu kawasa ,lain harti ujub ria
Sumawona ningkah gumagah
Teu karep kawasa rongkah ,tong jadi jalma sarakah
Ulah miyuni pare nu kences
Polah sarakah ngan ukur aes
Geusan mindingan eusi nu kences
Ngenca ngatuhu tandangna angkuh
Kasilir angin moyeg teu ampuh
Beda jeung pare nu ngeusi
Mun oyag rajeun ngabakti
Tungkul lungguh henteu angkuh
Nyipta lagu kahirupan
Didunya sapangbetahan
Lega setra alam padang
Sapanjang anjeun can nyorang
Rata sirna poe panjang
minggon 28 Pebruari 2017
Tidak ada komentar:
Posting Komentar